በደልን ፡ ይቅር ፡ የሚል (Bedelen Yeqer Yemil) - ተስፋዬ ፡ ጋቢሶ

From WikiMezmur, the free amharic mezmur lyrics database.
ዘልለው ለመሔድ፦ የማውጫ ቁልፎች, ፍለጋ

በደልን ፡ ይቅር ፡ የሚል ፡ አመጻን ፡ የሚያሳልፍ
ከጥፋት ፡ ሊያድናቸው ፡ በሕዝቡ ፡ ላይ ፡የሚሰፍፍ
እንዳንተ ፡ ያለ ፡ አምላክ ፡ ማነው ፡ ምህረቱ ፡ የበዛ?
ቅዱሳንህ ፡ ሲሰደዱ ፡ መከራውም ፡ ሲበዛ

አዝ፦ ርስትህን ፡ ለማላገጫ ፡ አሳልፈህ ፡ አትስጥ
የተቀደሰ ፡ መቅደስህን ፡ በጠላት ፡ አታስረግጥ

የእግዚአብሔር ፡ ዕድል ፡ ፈንታ ፡በዙፋኑ ፡ እኮ ፡ ነው  !
ሊያመልከው ፡ ሊያገለግለው ፡ ከግብጽ ፡ አገር ፡ ያፈለሰው
አርነቱን ፡ በባርነት ፡ ሊተካ ፡ የሚከጅለው
"ይገባኛል " ፡ የሚል ፡ ማነው ? ሕዝቡ ፡ የእግዚአብሔር ፡ ነው!

አዝ፦ ርስትህን ፡ ለማላገጫ ፡ አሳልፈህ ፡ አትስጥ
የተቀደሰ ፡ መቅደስህን ፡ በጠላት ፡ አታስረግጥ

እስከዛሬ ፡ከብረሃል ፡ በአህዛብ ፡ ተፈርተሃል
የጠላትን ፡ እርግማን ፡ በረከት ፡ አድርገሃል
የአሳዳጁን ፡ ፈረሶች ፡ በባሕር ፡ አስጥመሃል
በክንድህ ፡ ተከላክለህ ፡ ርስትህን ፡ ጠብቀሃል

አዝ፦ ርስትህን ፡ ለማላገጫ ፡ አሳልፈህ ፡ አትስጥ
የተቀደሰ ፡ መቅደስህን ፡ በጠላት ፡ አታስረግጥ (፪x)


Navigation menu