አደረገልኝ ፡ ተዓምር (Aderegelgn Teamer) - ተስፋዬ ፡ ጫላ

From WikiMezmur, the free amharic mezmur lyrics database.
ዘልለው ለመሔድ፦ የማውጫ ቁልፎች, ፍለጋ
ተስፋዬ ፡ ጫላ
(Tesfaye Chala)

Tesfaye Chala 4.jpg


(4)

የበላይ ፡ ነህ ፡ ጌታ
(Yebelay Neh Gieta)

ዓ.ም. (Year): ፲ ፱ ፻ ፺ ፰ (2005)
ቁጥር (Track):

(3)

ርዝመት (Len.): 5:34
ሌሎች ፡ የአልበሙ ፡ መዝሙሮች
(Other Songs in the Album)
የተስፋዬ ፡ ጫላ ፡ አልበሞች
(Albums by Tesfaye Chala)

እንዳለፈ ፡ ውኃ ፡ መከራዬን ፡ አስረሳኝ
በጠላቶቼ ፡ ፊት ፡ እራሴን ፡ በዘይት ፡ ቀባ
ኧረ ፡ እንዴት ፡ ይበዛል ፡ ሌት ፡ ተቀን ፡ ባከብረው
ማንም ፡ የማይመስለው ፡ ወዳጅ ፡ አግኝቻለሁ (፬x)

አሃ ፡ የጠላቴ ፡ ዛቻ ፡ አሃ ፡ አይ ፡ ማስፈራራቱ
አሃ ፡ ከንቱ ፡ ሆኖ ፡ ቀረ ፡ አሃ ፡ ቀደመች ፡ ምህረቱ
አሃ ፡ ሌሊት ፡ በእሳት ፡ አምድ ፡ አሃ ፡ በደመና ፡ መራኝ
አሃ ፡ እረ ፡ ማነው ፡ ከልካይ ፡ አምላኬ ፡ ከረዳኝ
እረ ፡ ማነው ፡ ከልካይ ፡ ኤልሻዳይ ፡ ከረዳኝ

አዝ:- አደረገልኝ ፡ ተዐምር ፡ አደረገልኝ (፪x)
ተራራዬን ፡ ናደው ፡ ናደው ፡ ሸለቆዬን ፡ ሞላ ፡ ሃሃ
ባሕሩን ፡ ከፈለው ፡ ኦሆሆ ፡ መንገዴን ፡ አቀና (፪x)

ዘይት ፡ ከማሰሮ ፡ ከማድጋው ፡ አልቆ
ተስፋዬ ፡ ተሰብሮ ፡ ተሰባብሮ ፡ ደቆ
ስሙን ፡ ተጣርቼ ፡ የልቤን ፡ ስነግረው
እፌን ፡ ሞልቶ ፡ በሳቅ ፡ ሕይወቴን ፡ አዳነው
የአምናው ፡ ችግር ፡ ሄደ ፡ ማድጋው ፡ ሙሉ ፡ ነው
ከእርሴ ፡ ተርፌ ፡ አለኝ ፡ የምሰጠው
የተዐምራት ፡ አምላክ ፡ ተዐምር ፡ አድርጐልኛል
ፍጥረት ፡ ሁሉ ፡ ይስማው ፡ ነገር ፡ ተገልብጧል

አዝ:- አደረገልኝ ፡ ተዐምር ፡ አደረገልኝ (፪x)
ተራራዬን ፡ ናደው ፡ ናደው ፡ ሸለቆዬን ፡ ሞላ ፡ ሃሃ
ባሕሩን ፡ ከፈለው ፡ ኦሆሆ ፡ መንገዴን ፡ አቀና (፪x)

አሃሃ ፡ አዲስ ፡ ቅኔ ፡ ላምጣ ፡ አሃሃ ፡ ላክብረው ፡ ሳልቆጥብ
አሃሃ ፡ እግሮቼም ፡ ይዝለሉ ፡ በፊቱ ፡ ላሸብሽብ
አሃሃ ፡ ክብሬን ፡ ብጥልለት ፡ አሃሃ ፡ የሚንቀኝ ፡ ማነው
አሃሃ ፡ ያደረገልኝ ፡ እኔ ፡ ነኝ ፡ የማውቀው
አሃሃ ፡ የተሰራልኝን ፡ እኔ ፡ ነኝ ፡ የማውቀው

ሰማይ ፡ ጥርት ፡ አለ ፡ ደመናውም ፡ ጠፋ
የችግሩ ፡ ብርታት ፡ በፊቴ ፡ ለቆ ፡ ጠፋ
የነበረው ፡ ሄደ ፡ ያለውም ፡ አለቀ
ውኃ ፡ ሳይኖርበት ፡ ሸለቆው ፡ ደረቀ
ደመናም ፡ ሳይታይ ፡ ንፋስም ፡ ሳይነፍስ
ዝናባትን ፡ አዞ ፡ ምድርን ፡ ሲያረሰርስ
የጠላቴን ፡ እቅድ ፡ እያፈረሰልኝ
ድል ፡ በድል ፡ ላይ ፡ እመድኩ ፡ ድንቅ ፡ አደረገልኝ

አዝ:- አደረገልኝ ፡ ተዐምር ፡ አደረገልኝ (፪x)
ተራራዬን ፡ ናደው ፡ ናደው ፡ ሸለቆዬን ፡ ሞላ ፡ ሃሃ
ባሕሩን ፡ ከፈለው ፡ ኦሆሆ ፡ መንገዴን ፡ አቀና (፪x)


Navigation menu