እውነተኛ ፡ ሰላም (Ewnetegna Selam) - ናሆም ፡ ማርቆስ

From WikiMezmur, the free amharic mezmur lyrics database.
ዘልለው ለመሔድ፦ የማውጫ ቁልፎች, ፍለጋ
ናሆም ፡ ማርቆስ
(Nahom Markos)


(1)

እውነተኛ ፡ ሰላም
(Ewnetegna Selam)

ዓ.ም. (Year): ፳ ፻ ፭ (2012)
ቁጥር (Track):

(1)

ርዝመት (Len.): 7:01
ሌሎች ፡ የአልበሙ ፡ መዝሙሮች
(Other Songs in the Album)
የናሆም ፡ ማርቆስ ፡ አልበሞች
(Albums by Nahom Markos)

እውነተኛ ፡ ሰላም ፡ እውነተኛ ፡ ደስታ
የገባኝ ፡ አሁን ፡ ነው ፡ አንተን ፡ ስይዝ ፡ ጌታ
ብዙ ፡ ተቅበዘበዝኩ ፡ ደህንነት ፡ ፍለጋ
በማመኔ ፡ ብቻ ፡ ላገኘው ፡ አንተ ፡ ጋ

ምቾቴ ፡ አንተ ፡ ነህ
ሰላሜ ፡ አንተ ፡ ነህ
እረፍቴ ፡ አንተ ፡ ነህ
ልቤ ፡ ያረፈብህ (፪x)

ልቤ ፡ ያረፈብህ (፬x)

(ያረፈብህ (፰x))

ወርቅ ፡ ዕንቁ ፡ ቢሞላ ፡ ላይሰጠኝ ፡ ሰላም
ዕውቀት ፡ ቢደረደር ፡ አያሳርፍም
ነፍሴ ፡ ስትጨነቅ ፡ ጥያቄዋ ፡ በዝቶ
መመለስ ፡ የሚችል ፡ ከወዴት ፡ ተገኝቶ

አንተ ፡ ስትገባ ፡ ወደ ፡ ሕይወቴ
ተለዋወጠ ፡ ማንነቴ
ጥያቄ ፡ ሁሉ ፡ ተመለሰ
ሰላም ፡ ደስታ ፡ በውስጤ ፡ ፈሰሰ (፪x)

በለስ ፡ ባታበቅል ፡ ፍሬዋ ፡ ባይገኝ
ምድራዊ ፡ ነገሬ ፡ ቢጨላልምብኝ
ቢጐድል ፡ ቢሞላ ፡ እኔ ፡ አልገረምም
በዚህ ፡ ሁሉ ፡ መሃል ፡ ሰላሜ ፡ አይጐልም

የማዳኑን ፡ ክንድ ፡ አልብሶኛል
መጐናጸፊያን ፡ ደርቦልኛል
በአምላኬ ፡ ሃሴት ፡ አደርጋለሁ
ለዘለዓለም ፡ በደስታ ፡ ኖራለሁ (፪x)

እውነተኛ ፡ ሰላም ፡ እውነተኛ ፡ ደስታ
የገባኝ ፡ አሁን ፡ ነው ፡ አንተን ፡ ስይዝ ፡ ጌታ
ብዙ ፡ ተቅበዘበዝኩ ፡ ደህንነት ፡ ፍለጋ
በማመኔ ፡ ብቻ ፡ ላገኘው ፡ አንተ ፡ ጋ

ምቾቴ ፡ አንተ ፡ ነህ
ሰላሜ ፡ አንተ ፡ ነህ
እረፍቴ ፡ አንተ ፡ ነህ
ልቤ ፡ ያረፈብህ (፪x)

ልቤ ፡ ያረፈብህ (፬x)

የሚያውቁኝ ፡ በሙሉ ፡ እጅግ ፡ ተገረሙ
እንዲህ ፡ የሚያሳርፍ ፡ "ምን ፡ አገኘ?" ፡ እያሉ
ፍፁም ፡ መረጋጋት ፡ እርፍ ፡ ማለት
የትም ፡ አይገኝም ፡ በሌለህበት

ሁሉን ፡ ነገር ፡ ለአንተ ፡ ሰጥቼህ
ተደላደልኩኝ ፡ አረፍኩብህ
የማይለወጥ ፡ ፍቅርህ ፡ ሲነካኝ
ሌላው ፡ ሁሉ ፡ ከንቱ ፡ ሆነብኝ (፪x)

የደስታዬ ፡ ምንጭ ፡ ኢየሱስ
ሰላም ፡ የሆነኝ ፡ ኢየሱስ
ማንም ፡ ከእንግዲህ ፡ ኢየሱስ
የማይለያየኝ ፡ ኢየሱስ

ቁስሌን ፡ ፈውሶ ፡ ያረገኝ ፡ ደህና
አከብረዋለው ፡ ክብሬ ፡ ነውና (፬x)


Navigation menu