From WikiMezmur, the free amharic mezmur lyrics database.
ጊዜው ፡ እየከፋ ፡ ሲሄድ ፡ ሰው ፡ ምን ፡ ያደርጋል
ጥፋት ፡ ሲበዛ ፡ ወዴት ፡ ይሸሻል
መተማመን ፡ ጠፍቶ ፡ ጥላቻ ፡ ሲበረታ
የተለፋበት ፡ ሁሉ ፡ ድርምስምስ ፡ ሲል
ቀና ፡ ነው ፡ የተባለው ፡ ቅጡ ፡ ሲጠፋ
ሰው ፡ ግራ ፡ ተጋብቶ ፡ ጭንግር???ጭምር??? ፡ ሲለው
ወደማን ፡ ነው ፡ የሚያየው
አዝ፦ እንጸልይ ፡ ጸሎት ፡ የሚሰማ ፡ አምላክ ፡ አለ
እንጸልይ ፡ ሳንታክት
እንጸልይ ፡ ፍርድን ፡ የሚወድድ
አምላክ ፡ አለ ፡ በሰማይ (፪x)
በድህነት ፡ ቀመር ፡ ተጠፍሮ
ህዝብ ፡ በድካም ፡ ጅራፍ ፡ ሲገረፍ
ሞትን ፡ እንደጨለማ ፡ ምድራችንን ፡ ሲከብ
አንዱ ፡ ከአንዱ ፡ ሲጋደል
አለቆች ፡ አልፈቱም ፡ ይህን ፡ እንቆቅልሽ
ከአዋቂቆችም ፡ ምክር ፡ አልተገኘም
ነገሥታት ፡ እነርሱ ፡ ተሰወረባቸው
ድንግዝግዝ ፡ አለ ፡ ቀኑ
አዝ፦ እንጸልይ ፡ ጸሎት ፡ የሚሰማ ፡ አምላክ ፡ አለ
እንጸልይ ፡ ሳንታክት
እንጸልይ ፡ ፍርድን ፡ የሚወድድ
አምላክ ፡ አለ ፡ በሰማይ (፪x)
እንጸልይ
በስሜ ፡ የተጠሩ ፡ ህዝቤ
ራሳቸውን ፡ አዋርደው ፡ ቢጸልዩ
ከሰማይ ፡ ሆኜ ፡ እሰማለሁ
ምድራቸውን ፡ እፈውሳለሁ
ብሏል ፡ ጌታ (፪x)
አዝ፦ እንጸልይ ፡ ጸሎት ፡ የሚሰማ ፡ አምላክ ፡ አለ
እንጸልይ ፡ ሳንታክት
እንጸልይ ፡ ፍርድን ፡ የሚወድድ
አምላክ ፡ አለ ፡ በሰማይ (፪x)
እንጸልይ
|
