From WikiMezmur, the free amharic mezmur lyrics database.
ብርሃንሽ ፡ ወጥቷልና ፡ ኢትዮጵያ
አዝ፦ ተነሺና ፡ አብሪ (፰x)
የሃያላን ፡ የታላቅ ፡ ሀገር ፡ ታሪክሽ
የተስፋ ፡ ቃል ፡ የወንጌልም ፡ ዘር ፡ ያለብሽ
ሰላምሽ ፡ ርቆ ፡ ብዙ ፡ ደም ፡ ፈሶብሻል
የስልጣኔ ፡ መጨረሻ ፡ ተብለሻል
የመከራ ፡ ሌሊትሽ ፡ ነጋ ፡ በርሱ ፡ ጊዜ
የምታበሪበት ፡ ዘመን ፡ ነው ፡ የሕዳሴ
ኢትዮዽያ ፡ ኢትዮዽያ
የከፍታ ፡ ዘመንሽ ፡ ሆነልሽ (፪x)
አዝ፦ ተነሺና ፡ አብሪ (፰x)
ብሎም ፡ ለአፍሪካ ፡ ደሞም ፡ ለአውሮፓ ፡ ለዓለም ፡ ሕዝቦች ሁሉ
ብርሃንሽ ፡ ወጣ ፡ ትንሳኤሽ ፡ መጣ ፡ ክብርሽን ፡ አዩ
የፈጣሪሽ ፡ ፊት ፡ ወዳንቺ ፡ ዞረ ፡ ልብሽ ፡ ተመልሶ
ሁሉም ፡ እንዲያይሽ ፡ እንድታበሪ ፡ እጅሽን ፡ ይዞ
አዝ፦ ተነሺና ፡ አብሪ (፰x)
የፖለቲካ ፡ የኢኮኖሚ ፡ ቀውስ ፡ ሁሉ
ከሠማይ ፡ ትእዛዝ ፡ ሲወጣ ፡ ሰላም ፡ ሆኑ
ዘረኝነትና ፡ ጥላቻ ፡ ቦታ ፡ አጣ
የፍቅር ፡ መንፈስ ፡ ሕዝቡን ፡ ሁሉ ፡ ይዞ ፡ መጣ
የዘንዶውን ፡ ራስ ፡ አምላክሽ ፡ ቀጥቅጦታል
አዝመራሽ ፡ ሁሉ ፡ ተባርኳል ፡ ፈውሶሻል
ኢትዮጵያ ፡ ኢትዮጵያ
የከፍታ ፡ ዘመንሽ ፡ ሆነልሽ (፪x)
አዝ፦ ተነሺና ፡ አብሪ (፰x)
ብሎም ፡ ለአፍሪካ ፡ ደሞም ፡ ለአውሮፓ ፡ ለአለም ፡ ሕዝቦች ፡ ሁሉ
ብርሃንሽ ፡ ወጣ ፡ ትንሳኤሽ ፡ መጣ ፡ ክብርሽን ፡ አዩ
የፈጣሪሽ ፡ ፊት ፡ ወዳንቺ ፡ ዞረ ፡ ልብሽ ፡ ተመልሶ
ሁሉም ፡ እንዲያይሽ ፡ እንድታበሪ ፡ እጅሽን ፡ ይዞ
አዝ፦ ተነሺና ፡ አብሪ (፰x)
በረሃብ ፡ በስደት ፡ ሕዝብሽ ፡ ተበትኖ
ሲናቅ ፡ ሰው ፡ ሃገር ፡ የሰቀቀን ፡ ኑሮ
የናቁሽ ፡ ሁሉ ፡ የተጠየፉሽ
ጊዜው ፡ ሲመጣ ፡ ይኸው ፡ ሠገዱልሽ
ቀና ፡ በይ ፡ ከእንግዲህ
ቀና ፡ በይ ፡ ጊዜሽ ፡ ነው
ቀና ፡ በይ ፡ አትፍሪ
ቀና ፡ በይ ፡ አብሪ
|
