እጅግ ፡ የሚምር (Ejeg Yemimer) - ቃልኪዳን ፡ ጥላሁን

From WikiMezmur, the free amharic mezmur lyrics database.
ዘልለው ለመሔድ፦ የማውጫ ቁልፎች, ፍለጋ

ጻድቅ ፡ ነህ ፡ ጌታ ፡ ስራህ ፡ ትክክል
የማታደላ ፡ የማትበድል
ለታላቅነትህ ፡ ፍጻሜ ፡ የለው
አቤት ፡ ጌታም ፡ ሆይ ፡ ስራህ ፡ ድንቅ ፡ ነው

ምላሴ ፡ ጽድቅህን ፡ ሁልጊዜ ፡ ምሥጋናህን ፡ ይናገራል (፫x)
ምላሴ ፡ ጽድቅህን ፡ ሁልጊዜ ፡ ምሥጋናህን ፡ ይናገራል (፫x)

ደግሜ ፡ ደጋግሜ ፡ እባርክሃለሁ
ምሥጋና ፡ ዘወትር ፡ ዘወትር ፡ በአፌ ፡ ነው
ማለዳ ፡ በምሥጋና ፡ አፌን ፡ እከፍታለሁ
ከአንደበቴ ፡ ፍሬ ፡ ለአንተው ፡ እነግራለሁ

ምላሴ ፡ ጽድቅህን ፡ ሁልጊዜ ፡ ምሥጋናህን ፡ ይናገራል (፫x)
ምላሴ ፡ ጽድቅህን ፡ ሁልጊዜ ፡ ምሥጋናህን ፡ ይናገራል (፫x)

አዝ፦ እጅግ ፡ የሚምር ፡ የሚራራ
አምላክ ፡ ነውና ፡ የእኔ ፡ ጌታ
ይድረሰው ፡ ምሥጋና ፡ የእኔ ፡ ጌታ
ይድረሰው ፡ ምሥጋና (፪x)

እንኳንስ ፡ ምረሀኝ ፡ ቀርቶልኝ ፡ አበሳ (፪x)
እኒስ ፡ ምሥጋናዬን ፡ ሁልጊዜው ፡ አልረሳ (፪x)
ምህረትህ ፡ በእኔ ፡ ላይ ፡ ጠንክራለችና (፪x)
ኃይሌ ፡ ታድሶልኝ ፡ ቆምኩኝ ፡ እንደገና (፪x)

አዝ፦ እጅግ ፡ የሚምር ፡ የሚራራ
አምላክ ፡ ነውና ፡ የእኔ ፡ ጌታ
ይድረሰው ፡ ምሥጋና ፡ የእኔ ፡ ጌታ
ይድረሰው ፡ ምሥጋና
የእኔ ፡ ጌታ ፡ ይድረሰው ፡ ምሥጋና (፬x)

ማዳኑን ፡ አስታውቆ ፡ ጽድቁንም ፡ ገለጠ (፪x)
ከእኛ ፡ መተላለፍ ፡ ምህረቱ ፡ በለጠ (፪x)
በሞገሱ ፡ ጋሻ ፡ እየከለለን (፪x)
ከአዳነን ፡ በኋላ ፡ ምህረቱ ፡ ያዘን (፪x)

አንድ ፡ ላይ ፡ ተስማሙ ፡ እውነትና ፡ ምህረት (፪x)
መግባትም ፡ ተቻለን ፡ እግዚአብሔር ፡ ካሌበት (፪x)
ጻድቅ ፡ ፈረስ ፡ ይሆን ፡ እንከን ፡ የሌለበት (፪x)
አልፈረደብኝም ፡ ምህረቱ ፡ አይሎበት (፪x)

አዝ፦ እጅግ ፡ የሚምር ፡ የሚራራ
አምላክ ፡ ነውና ፡ የእኔ ፡ ጌታ
ይድረሰው ፡ ምሥጋና ፡ የእኔ ፡ ጌታ
ይድረሰው ፡ ምሥጋና
የእኔ ፡ ጌታ ፡ ይድረሰው ፡ ምሥጋና (፪x)

ጌታ ፡ እልሃለሁ ፡ አንተን ፡ አመልካለሁ (፪x)
አምላክ ፡ እልሃለሁኝ ፡ አንተን ፡ አመልካለሁ (፪x)
አንተን ፡ አመልካለሁ ፡ አንተን ፡ አመልካለሁ (፪x)

ይገባሃል ፡ የአንደበቴ ፡ ቃል
ይገባሃል ፡ የአፌ ፡ ምሥጋና
ይገባሃል ፡ ልዘምርልህ
ይገባሃል ፡ ላገለግልህ

እኔ ፡ አምላክ ፡ እልሃለሁኝ ፡ አንተን ፡ አአመልካለሁ (፭x)
እስከዛሬ ፡ ተመስገን ፡ ብያለሁ ፡ ተባረክ ፡ ብያለሁ ፡ አሃ
ከፍ ፡ በል ፡ ብያለሁ ፡ እስከዛሬ ፡ ተመስገን ፡ ብያለሁ
ተባረክ ፡ ብያለሁ ፡ አሃ ፡ ከፍ ፡ በል ፡ ብያለሁ

ደግሞ ፡ ዛሬ ፡ ዛሬ ፡ ምን ፡ ልበል
ዛሬ ፡ ምን ፡ ልበል
ደግሞ ፡ አሁን ፡ አሁን ፡ ምን ፡ ልበል ፡ ጌታ
አሁን ፡ ምን ፡ ልበል
ደግሞ ፡ ዛሬ ፡ ዛሬ ፡ ምን ፡ ልበል
ዛሬ ፡ ምን ፡ ልበል ፡ ዛሬ ፡ ምን ፡ ልበል

ይገባሃል ፡ የአንደበቴ ፡ ቃል
ይገባሃል ፡ የአፌ ፡ ምሥጋና
ይገባሃል ፡ ላገለግልህ
ይገባሃል ፡ ልዘምርልህ

ሃሌሉያ ፡ ሃሌሉያ (፬x)
ሃሌሉያ ፡ ሃሌሉያ (፬x)
ሃሌሉያ ፡ ሃሌሉያ (፬x)


Navigation menu