እግዚአብሔር ፡ ትልቅ ፡ ነው (Egziabhier Teleq New) - እንዳልካቸው ፡ ሃዋዝ

From WikiMezmur, the free amharic mezmur lyrics database.
ዘልለው ለመሔድ፦ የማውጫ ቁልፎች, ፍለጋ
እንዳልካቸው ፡ ሃዋዝ
(Endalkachew Hawaz)

Endalkachew Hawaz 3.jpg


(3)

እግዚአብሔር ፡ ትልቅ ፡ ነው
(Egziabhier Teleq New)

ዓ.ም. (Year): ፲ ፱ ፻ ፺ ፰ (2005)
ቁጥር (Track):

(1)


ሌሎች ፡ የአልበሙ ፡ መዝሙሮች
(Other Songs in the Album)
የእንዳልካቸው ፡ ሃዋዝ ፡ አልበሞች
(Albums by Endalkachew Hawaz)

 
ትልቅ ፡ ነው ፡ እግዚአብሔር ፡ ትልቅ ፡ ነው
ለክብሩ ፡ መጨረሻ ፡ የሌለው
ትልቅ ፡ ነው ፡ እግዚአብሔር ፡ ትልቅ ፡ ነው
ለኃይሉ ፡ መጨረሻ ፡ የሌለው (፪x)

እዘምራለሁ ፡ ለእርሱ ፡ እቀኛለሁ
የክብሩን ፡ ብዛት ፡ ግርማውን ፡ እያየሁ
እዘምራለሁ ፡ ለእርሱ ፡ እቀኛለሁ
የኃይሉን ፡ ችሎት ፡ ብርታቱን ፡ እያየሁ (፪x)

በጠባባ ፡ አይምሮዬ ፡ አልችልም ፡ ልገምተው
እስካሁን ፡ ካወቅሁት ፡ በላይ ፡ እግዚአብሔር ፡ እጅግ ፡ ትልቅ ፡ ነው
እንኳን ፡ ማንነቱ ፡ ቀርቶ ፡ ስራውም ፡ አይመረመር
ከተባለው ፡ ሁሉ ፡ ያልፋል ፡ ይበልጣል ፡ የአምላኬ ፡ ክብር

በምን ፡ ቋንቋ ፡ ስለእርሱ ፡ ልናገር
በምን ፡ ቋንቋ ፡ ስለእርሱ ፡ ልመስክር
ቃላት ፡ ባጣም ፡ እንዲያው ፡ ላመስግነው
አምልኮዬ ፡ እርሱን ፡ ባይመጥነው (፪x)

ግርማው ፡ እጅግ ፡ የሚያስፈራ ፡ ታላቅ ፡ ስሙ ፡ የገነነ
ደግሞ ፡ መሃሪ ፡ ቸር ፡ አምላክ ፡ የፍቅር ፡ ጌታ ፡ የሆነ
ብርሃንን ፡ ተጐናጽፎ ፡ ማደሪያውን ፡ በክብር ፡ የሞላ
እንደእግዚአብሔር ፡ ያለ ፡ አምላክስ ፡ የታለ ፡ ሌላ

ትልቅ/ታላቅ ፡ ነው ፡ እግዚአብሔር ፡ ትልቅ/ታላቅ ፡ ነው
ለክብሩ ፡ መጨረሻ ፡ የሌለው
ታልቅ ፡ ነው ፡ እግዚአብሔር ፡ ታልቅ ፡ ነው
ለኃይሉ ፡ መጨረሻ ፡ የሌለው (፪x)

እዘምራለሁ ፡ ለእርሱ ፡ እቀኛለሁ
የክብሩን ፡ ብዛት ፡ ግርማውን ፡ እያየሁ
እዘምራለሁ ፡ ለእርሱ ፡ እቀኛለሁ
የኃይሉን ፡ ችሎት ፡ ብርታቱን ፡ እያየሁ (፫x)

በምን ፡ ቋንቋ ፡ ስለእርሱ ፡ ልናገር
በምን ፡ ቋንቋ ፡ ስለእርሱ ፡ ልመስክር
ቃላት ፡ ባጣም ፡ እንዲያው ፡ ላመስግነው
አምልኮዬ ፡ እርሱን ፡ ባይመጥነው (፪x)


Navigation menu