From WikiMezmur, the free amharic mezmur lyrics database.
በለቅሶ ፡ የዘራሁትን ፡ በደስታ ፡ አጨድኩት
ምርኮዬም ፡ ተመልሷል ፡ በብዙ ፡ በረከት
ሚስጢሩ ፡ አንድ ፡ ነው ፡ የማምለጫው ፡ መንገድ
እግዚአብሔር ፡ ድንቅ ፡ ነህ ፡ ግሩም ፡ ነህ ፡ ማለት
ጌታን ፡ ላመስግን ፡ ባልሆነው ፡ በሆነው
በዚያ ፡ ሠፈር ፡ ብቻ ፡ ድልን ፡ ተቀዳጀሁ
ዛሬ ፡ እንደ ፡ ትላንት ፡ መች ፡ አለቅሳለሁ
ቁልፉን ፡ አስይዘኸኝ ፡ የምሥጋናን ፡ በትር
ጠላቴን ፡ ረግጬ ፡ አንበረክከዋለሁ
በፎከረብኝ ፡ ላይ ፡ ቆሜ ፡ እፎክራለሁ
ከሚውጠው ፡ ጉድጓድ ፡ ከሚያሰጥም ፡ ማጥ
አውጥቶ ፡ አቆመኝ ፡ እግሮቼን ፡ በዓለት
መች ፡ ተንሸራተትኩኝ ፡ በቃሉ ፡ ላይ ፡ ቆሜ
ድልን ፡ ተቀዳጀሁ ፡ እንዲያውም ፡ በአምላኬ
ልግለጥ ፡ ልግለጥ ፡ ምርጡን ፡ የጦር ፡ መሳሪያዬን
ላንበልብለው ፡ ዛሬ ፡ ጠላቴም ፡ ይሸበር
የመንፈስን ፡ ሠይፍ ፡ አጥብቄ ፡ ይዣለሁ
ጠላቴን ፡ ቆርጬ ፡ አጋድመዋለሁ
ከደም ፡ ከሥጋ ፡ ጋር ፡ ውጊያን ፡ አቁሜያለሁ
ነገሩ ፡ ገብቶኛል ፡ አሁን ፡ ነቅቻለሁ
ዘመን ፡ መጣ ፡ መጣ ፡ የዜማ ፡ ወራት
ከሁሉም ፡ ይሰብሰብ ፡ ይግባ ፡ ለአምላክ
ከንፈሮቼን ፡ ልክፈት ፡ አንደበቴም ፡ ያውራው
ቅኔም ፡ ይደርደር ፡ ከዝማሬ ፡ ጋራ
ታማኝነትህን ፡ ማዳንህን ፡ ልንገር
ሌላ ፡ ሰው ፡ አልሻም ፡ እኔው ፡ ነኝ ፡ ምስክር
ቀረ ፡ መሸማቀቅ ፡ አቀርቅሮ ፡ መሄድ
ቀንበር ፡ ተሰበረ ፡ ቀንቅ ፡ ብዬ ፡ እንድሄድ
|
