ነፍሴ ፡ ሆይ ፡ ዕረጊ (Nefsie Hoy Eregi)

ወደ ፡ ቅዱስ ፡ ቁስሉ ነፍሴ ፡ ሆይ ፡ ዕረጊ! ወደ ፡ ረጅም ፡ መስቀሉ አምነሽ ፡ ተጠጊ የአምላክ ፡ ልጅ ፡ እረኛሽም ሞተ ፡ ለበጐቹ ዕዳን ፡ ሁሉ ፡ ከፈለም ስለ ፡ ወንድሞቹ ከአምላክ ፡ ፍርድ ፡ ሊጋርደን ወርቅም ፡ ብርም ፡ ሆነ ከጥፋት ፡ ሊያድነን የማይበቃ ፡ ሆነ ነገር ፡ ግን ፡ የአምላክ ፡ ልጅ መሥዋዕት ፡ ሆነ እኛንም ፡ ከሰይጣን ፡ እጅ በሕማሙ ፡ አዳነን በሕማሙም ፡ ካመንሁ በእርሱ ፡ እድናለሁ ጽድቁን ፡ ከተቀበልሁ ጻድቅ ፡ እሆናለሁ ንጹህ ፡ ደሙን ፡ አፍስሶ የአምላክ ፡ በግ ፡ ሞተልኝ ኃጢአቴን ፡ ደምስሶ ቅዱስ ፡ እርድ ፡ ሆነልኝ ደሙም ፡ ስላጸደቀኝ ዓብ ፡ ይቀበለኛል የልጁም ፡ ሙሽራ ፡ ነኝ በእርሱም ፡ ደስ ፡ ይለኛል ከእኔ ፡ ጋር ፡ ተባበረ የዓለም ፡ ፍትወት ፡ ይጥፋ ኢየሱስ ፡ በእኔ ፡ ካደረ የእርሱ ፡ ነኝ ፡ በተስፋ ቁስሎቹ ፡ ለሰማይ ቡሩካን ፡ ደጆች ፡ ናቸው ችጋረኞች ፡ ወደ ፡ ላይ ክፍት ፡ በር ፡ አላቸው ለሚታመመውም ፡ ደሃ ጠበሉ ፡ መነጨ ቅዱስ ፡ የሕይወት ፡ ውሃ በእርሱ ፡ ላይ ፡ ተረጨ ወደ ፡ ቅዱስ ፡ ቁስሉ ነፍሴ ፡ ሆይ ፡ ዕረጊ! ጤናሽ ፡ ነው ፡ በመስቀሉ ከእርሱ ፡ አትራቂ! በዚህ ፡ ቅዱስ ፡ አምባ ፡ ላይ ሕይወት ፡ ታገኛለሽ ከፍርሃትና ፡ ሥቃይ በእርሱ ፡ ትድኛለሽ