እንዳልበድልህ (Endalbedeleh) - አገኘሁ ፡ ይደግ

From WikiMezmur, the free amharic mezmur lyrics database.
ዘልለው ለመሔድ፦ የማውጫ ቁልፎች, ፍለጋ
አገኘሁ ፡ ይደግ
(Agegnehu Yideg)

Agegnehu Yideg Esp.jpeg

ልዩ ፡ እትም
(Esp)

ብዙ ፡ የሆንክልኝ
(Bezu Yehonkelegn)

ዓ.ም. (Year): ፳ ፻ ፩ (2009)
ቁጥር (Track):

(10)

ርዝመት (Len.): 7:44
ሌሎች ፡ የአልበሙ ፡ መዝሙሮች
(Other Songs in the Album)
የአገኘሁ ፡ ይደግ ፡ አልበሞች
(Albums by Agegnehu Yideg)

እስካሁን ፡ እንዳየሁ ፡ በዕድሜ ፡ ዘመኔ
ማንም ፡ አላገኘሁ ፡ እንዳንተ ፡ ለእኔ
እናትና ፡ አባት ፡ ጓደኛ ፡ ሆንክልኝ
ማንም ፡ ያልሰማውን ፡ ሚስጥሬን ፡ ያስክልኝ

አዝ፦ እንዳልበድልህ ፡ ጠብቀኝ
እንዳላሳዝንህ ፡ ጠብቀኝ
እኔ ፡ ከአንተ ፡ ሌላ ፡ ማንም ፡ የለኝ
እንዳልበድልህ ፡ ጠብቀኝ
እንዳላሳዝንህ ፡ ጠብቀኝ
ወዳጄ ፡ ካለ ፡ አንተ ፡ ማንም ፡ የለኝ

እንዳልበድልህ ፡ ጠብቀኝ
እንዳላሳዝንህ ፡ ጠብቀኝ

አንተን ፡ ችላ ፡ ያልሁ ፡ ፀጋ ፡ ሲርቃቸው
አይቻለሁ ፡ ጌታ ፡ ቀን ፡ ሲመሽባቸው
እስካሁን ፡ ያለፍኩት ፡ ሸለቆ ፡ ተራራ
ምን ፡ ይውጠኝ ፡ ነበር ፡ ባልሆን ፡ ከአንተ ፡ ጋራ

አዝ፦ እንዳልበድልህ ፡ ጠብቀኝ
እንዳላሳዝንህ ፡ ጠብቀኝ
እኔ ፡ ከአንተ ፡ ሌላ ፡ ማንም ፡ የለኝ

እንዳልበድልህ ፡ እንዳላሳዝንህ ፡ ጠብቀኝ

ባለፈው ፡ ዘመኔስ ፡ ብዙ ፡ አጥፍቻለሁ
ባለማስተዋሌም ፡ ተጐድቻለሁ
ፍቅርን ፡ የተሞላህ ፡ ባታግዘኝ ፡ ኖሮ
እንዴት ፡ ይዘለቃል ፡ የዚህ ፡ ምድር ፡ ኑሮ
አሁንም ፡ ጌታዬ ፡ መንገዴን ፡ አደራ
ታዳጊ ፡ አንተ ፡ ነህ ፡ በሚያገኘኝ/በሚገጥመኝ ፡ መከራ (፪x)

መንገዴን ፡ አደራ ፡ አደራ
በቀረው ፡ ጉዞዬ ፡ ኢየሱስ
ሥራህን ፡ ሥራ ፡ (ሥራህን ፡ ሥራ) (፪x)

ጉዞዬ ፡ ከብዶብኝ ፡ ስወድቅ ፡ ስነሳ
እዚህ ፡ ደርሻለሁ ፡ በብዙ ፡ አበሳ
የቀረው ፡ ዘመኔስ ፡ ብሩክ ፡ ይሁንልኝ
ጌታዬ ፡ በኃይልህ ፡ ሥራህን ፡ ሥራልኝ
የኋላዬን ፡ ልርሳ ፡ ወደ ፡ አንተው ፡ ልጠጋ
ከፊቴ ፡ ያለውን ፡ . (1) . ፡ ዘርጋ (፪x)

መንገዴን ፡ አደራ ፡ አደራ
በቀረው ፡ ዘመኔ ፡ ኢየሱስ
ሥራህን ፡ ሥራ ፡ (ሥራህን ፡ ሥራ) (፪x)

ለሥጋዬ ፡ ምኞት ፡ በከንቱ ፡ ስገዛ
ስንት ፡ ጊዜ ፡ አቃጠልኩ ፡ እንዲሁ ፡ በዋዛ
ለቅዱሱ ፡ አደራ ፡ ታማኝ ፡ አልነበርኩም
እንደ ፡ ልብህ ፡ ደስታም ፡ አላገለገልኩም
ከእንግዲህስ ፡ ጌታ ፡ ሥራብኝ ፡ እንደ ፡ ሰው
በጭንጋፉ/በትንሹ ፡ ባሪያ ፡ ከሁሉም ፡ በማንሰው (፪x)

መንገዴን ፡ አደራ ፡ አደራ
በቀረው ፡ ዘመኔ ፡ ኢየሱስ
ሥራህን ፡ ሥራ ፡ (ሥራህን ፡ ሥራ) (፪x)


Navigation menu